ILOILO CITY – Ginakinahanglan ang Travel Authority Pass sa tion nga magpadulong sa iban nga rehiyon sa pungsod.
Sa interview sang Bombo Radyo kay Police Lt. Col. Gilbert Gorero, acting Public Information Officer sang Police Regional Office 6, iya ginpahayag nga mahimo nga makakuha sang Travel Authority Pass sa tagsa ka City ukon Provincial Police Office.
Suno kay Gorero, kinahanglan sa pagkuha sang nasambit nga pass amo ang Health Certification gikan sa Barangay Chairman kag Medical Clearance Certificate halin sa City ukon Municipal Health Office.
Ginpahayag ni Gorero nga ang Travel Authority Pass ang kinahanglan sa tion nga magpadulong sa iban nga lugar nga yara sa iban nga rehiyon ukon sa lugar nga napaidalom sa iban nga kategorya.
Kun sa Western Visayas lamang ang pagakadtu-an suno sa natungdan, indi na ini kinahanglan bangud sa ginaduso nga One Panay.
