Aminado ang Inter-Agency Task Force nga nakatutok sa sitwasyon sang COVID-19 sa pungsod nga posible nga magalawig pa tubtob sa bilog nga South Korea ang ginpatuman nga travel ban sang gobyerno.
Ini bangud subong, ang mga byahero palang nagikan sa North Gyeongsan Province ang ginadumilian nga magsulod sa Pilipinas.
Sakop man sang temporary travel ban ang mga nagikan sa Deagu City kag Cheongdo county.
Indi naman apektado sang travel ban ang nagikan sa iban nga bahin sang South Korea.
Suno kay Department of Health Sec. Franciso Duque, mahimo nga tugutan nga makasulod sa Pilipinas ang mga Pilipino kag ila asawa kag kabataan nga holder sang permanent resident kag diplomatic visas apang nagakinahanglan nga magpaidalom sila sa screening kag quarantine protocols.
Dugang sang natungdan, i-review kag i-re-evaluate pa ang travel restrictions sa South Korea sa sulod sang 48 ka oras base sa bag-o nga developments sa sitwasyon sang virus.
Santo sa pahayag ni Duque, nakig-angot na sila sa embahada sang Pilipinas sa Seoul agud istoryahan ang may kaangtanan sa posibilidad nga i-repatriate ang mga Pilipino didto.
Nahibaluan nga base sa latest count sang South Korean health authorities, nagdangat na sa 1,146 ang kaso sang COVID-19 sa ila nga pungsod samtang naglab-ot naman sa 12 ang napatay.
