Duwa ang patay kag tatlo ang pilason matapos ginbungguan sang bus ang nasugata nga traysikol sa diversion road sang Brgy. San Vicente, Bato, Camarines Sur.
Ang napatay amo ang tricycle driver nga si alyas “Noli”, 45-anyos, residente sang Brgy. Santicon, Polangui, Albay kag isa ka pasahero sini nga si alyas Gab.
Ang mga pilason naman amo sanday “Aida”, 64-anyos; “Ann”, 21-anyos; kag duwa ka tuig nga bata nga babaye.
Nagsungka naman sa otoridad ang driver sang bus nga ginamaneho ni Ed, 50-anyos, sang Brgy. Tagbong, Pili, Camarines Sur.
Base sa imbestigasyon, nagtuyo nga mag-overtake ang bus sa ginasundan nga wing van truck kag naagaw sini ang linya sang nasugata nga tricycle rason sang bungguanay.
Nagapangatubang sang kaso nga reckless imprudence resulting in multiple homicide kag multiple physical injuries ang bus driver.
