Ginkumpirma mismo ni Department of the Interior and Local Government Secretary (DILG) Undersecretary Epimado Densing III kay Iloilo City Mayor Treñas nga wala na sang quarantine classification sa syudad pagkatapos sang Septyembre 7.
Nahibaluan nga ginpalawig sang COVID-19 Inter-Agency Task Force for the Management of Emerging Infectious Diseases (IATF) ang Modified Enhanced Community Quarantine (MECQ) status sa Iloilo City umpisa Septyembre 1 – 7, 2021.
Sa interview sang Bombo Radyo kay Mayor Treñas, iya ginpahayag nga wala na sang community quarantine sa syudad umpisa sa Septyembre 8 sa diin itugyan na lang sang IATF sa kada Local Government Units (LGUs) ang pagpatuman sang mga pagsulundan.
Suno sa alkalde, lantawon man sang syudad kun ano nga mga lugar ang ipaidalom na lang sa granular lockdown sa tion nga may pagtimbuok sang COVID-19 cases.
