Gina-preparahan na ni Iloilo City Mayor Jerry Treñas ang mga mabakante nga posisyon sa Iloilo City Government kun magpadalagan na para sa 2025 elections ang nagapungko subong nga mga personnel.

Lakip sa ginpang-mensyonar sang alcalde nga una na sini nalakip sa Uswag slate amo sanday:

  1. Jeck Conlu nga subong ang head sang Public Order and Safety Management Office
  2. Ex-Sangguniang Kabataan federation president Sheen Marie Mabilog nga yara subong sa Public Employment and Services Office
  3. Raisa Treñas nga Executive Assistant to the Mayor
  4. Former City Councilor Jay Treñas nga subong Executive Assistant to the Mayor
  5. Former City Councilor Mandrie Malabor nga subong Executive Assistant to the Mayor

Pahayag ni Treñas, may mga ginapaminsar na siya nga magabulos sa sini nga mga posisyon apang indi pa sini masapubliko subong kun sanday sin-o.

Gintalana sang Commission on Elections (Comelec) ang period sang filing sang Certificates of Candidacy (COCs) para sa 2025 midterm polls sa Oktubre 1-8.

Una na nga ginpahayag sang alcalde nga kun ma-file na ang COC, awtomatiko na sila nga maga-resign sa posisyon sa Iloilo City Government.#

RELATED ARTICLESMORE FROM AUTHOR