Wala sang problema kay re-elected Iloilo City Mayor Jerry Treñas kun mag-upod man sila ni Councilor-elect Plaridel Nava sa oath taking sang tanan nga elected officials sa syudad sang Iloilo sa Hunyo 27.
Ini apisar sang nangin away sang duha sang nagligad nga eleksyon.
Una naman nagpahayag si Nava nga apisar siya lang ang nagaisahanon nga nagikan sa opposition nga nalakip sa ‘magic 12’ nga magapungko sa konseho, magatambong man siya sa oath-taking ceremony sa Plaza Libertad sa Lunes.
Suno naman sa alkalde, wala siya ‘nagapamersonal’ kay Nava.
Antes sini, ginkumpirma na ni Iloilo City Vice Mayor Jeffrey Ganzon nga wala man sang uyatan nga committee chairmanship si Nava kun opisyal na ini nga magpungko bilang konsehal sang syudad — butang nga suno kay Nava, “no big deal” man para sa iya.
Magluwas sa mga konsehal kag kay Treñas, maga-take oath man si Iloilo City Rep. Julienne Baronda kag si Uswag Ilonggo Party-list Rep Jojo Ang.
Si Senator-elect Miguel Zubiri ang maga-administer sang oath of office.
