Magahatag sang monetary reward si Iloilo City Mayor Raisa Treñas sa persona nga makabulig sa pulis nga matudlo kun sin-o ang suspek sa stabbing incident sa idalom sang idalom sang Infante Flyover sa City Proper.
Sa interview sang Bombo Radyo kay Joy Fantilaga-Gorzal, spokesperson sang alkalde, iya ginpahayag nga P50,000 ang ginapreparar nga monetary reward.
Suno kay Gorzal, pagpakita ini ni Treñas nga gamay man ukon daku ang krimen sa syudad, ginahatagan ini sang igtalupangod sang City Government agud nga masolbar gilayon.
Madumduman nga natabo ang insidente sang Myerkules sang gab-i, Oktubre 15.
Samad sa wala nga hita ang naangkon sang biktima nga si alias Jo, isa ka empleyado sang bangko nga residente sang Barangay Gustilo, La Paz, Iloilo City, sang ginbuno sang wala pa na-identify nag suspek.
Pauli kuntani ang biktima sakay sa ginpahayag motorsiklo sang isa ka angkas rider sang hinali nga nagtupad ang suspek nga sakay man sa isa ka motorsiklo kag gilayon ini ginbuno.
Gindala dayon ang biktima sa ospital kag yara na subong sa maayo nga kondisyon.#
