ILOILO CITY – Pangitaan sang posisyon ni Iloilo City Mayor Jerry Treñas sa Iloilo City Hall ang green guard nga makadakop sa lalaki nga nagapanggabot sang tanom sa syudad sang Iloilo.
Sa interview sang Bombo Radyo kay Treñas, iya ginpahayag nga himuon niya bilang regular employee sang Iloilo City Hall ang green guard nga makatudlo sa nagapanghalit sa mga tanom sa syudad.
Suno kay Treñas, indi niya ma intindihan nga may mga tawo nga wala ubrahon sa ila kabuhi kundi manggabot sang mga tanom.
Dugang pa sang alkalde, kanugon sang pagpanikasog sang mga Task Force Beautification sa pagpanami sang syudad kun ginaguba lamang sang iban nga mga tawo.
