Nagsapol si Iloilo City Mayor Jerry Treñas kay Health Undersecretary Leopoldo Vega kag sa mga pinuno sang ospital sa syudad.
Ini ang kasunod sang pag-classify sa syudad sang Iloilo nga yara sa alert level 4 ukon heightened alert bangud sang mataas nga numero sang coronavirus infections kag hospital occupancy rates.
Sa interview sang Bombo Radyo kay Treñas, iya ginpahayag nga sandig sa definition sang DOH, mabutang sa Alert Level 4 ang isa ka lugar kun ang risk classification ang natuon sa moderate to critical kag masobra sa 70% ang healthcare utilization rate.
Una naman nga napaathag sang alkalde nga mataas ang health care utilization rate sa Iloilo City bangud diri ang regional center; buot silingon, tanan nga ospital sa syudad sang Iloilo ang nahimo na nga referral hospitals nga nagatatap indi lamang sang COVID-19 patients sang syudad kundi pati sang mga pasyente halin sa Iloilo Province, Aklan, kag Antique.
Ginpalab-ot sang alkalde kay Undersecretary Vega nga agud mabuligan ang Iloilo City nga makapreparar para sa pagdugang sang variants of concern kag sa infection sini, dapat nga mag-alalay man ang DOH paagi sa paghatag sang dugang nga personnel, bulong, kag equipment sa mga ospital sa syudad.
Napadala naman sang alkale sa national government ang lista sang kinahanglan sang mga ospital sa Iloilo City.
