Nakapakig-angot na si Iloilo City Mayor Raisa Treñas sa management sang Megaworld kasunod sang panawagan sang call center agents nga temporaryo anay nga i-waive ang motorcycle parking fees bangud apektado man sila sang pagtimbuok sang presyo sang gatong.
Sa interview sang Bombo Radyo kay Joy Fantilaga Gorzal, spokesperson sang alkalde, iya ginpahayag nga nagpasalig man ang management nga iga-assess nila ang amo nga concern.
Suno kay Gorzal, ang request sang alkalde amo ang possible relief kaangay sang pag-designate sang parking space ukon ano man nga arrangement para sa call center agents.
Pahayag pa sini, maga-kontak man si Treñas sa tagdumalahan sang SM bangud nadala man ini sa concern sang call center agents para sa balayran sa parking.
Iga-follow up pa sang opisina sang alcalde ang sabat sang duha sa masunod nga semana.
Nahibaluan nga sa open letter nga gin-post sa social media subong nga semana, ginplastar nga kalabanan sa nagatrabaho sa Business Process Outsourcing (BPO) companies ang nagasalig sa mga motorsiklo agud makapadayon sa trabaho.
Bangud sa fuel crisis, nagapangayo sang pabor ang call center agents para sa temporary waiver sang motorcycle parking fees.
“Call center agents are among the hardest-working members of our city, keeping businesses running 24/7, fueling Iloilo’s economy, and showing up day and night despite rising costs. Many of them rely on motorcycles just to get to work, and now they’re being hit twice, by soaring fuel prices and by parking fees that feel unnecessary and unjust,” suno sa amo nga apelar.
Ginapanindugan sa open letter nga sa tion sang inflation kag economic strain, dapat nga indi pag-abagahon sang mga trabahador ang amo sini nga huol.
“We are asking for a temporary waiver of motorcycle parking fees in Megaworld Iloilo and SM. During a time of inflation and economic strain, the burden should not fall on workers who are already stretched thin. If there is anyone who can absorb this cost, it’s the billion-peso corporations like SM and Megaworld, not the working class trying to survive day-to-day. It also raises a simple question: if companies are already paying rent for these spaces, why are employees still being charged just to park and report to work? If parking must be monetized, then it should be shouldered by the companies, not deducted from the pockets of employees,” dugang pa sa amo nga panawagan.#
