16 ka mga possible candidates sa pagka-konsehal ang ginapilian ni Iloilo City Mayor Jerry Treñas agud dal-on sa iya nga grupo para sa May 2022 elections.
Sa interview sang Bombo Radyo kay Treñas, iya ginpahayag nga padayon pa subong ang konsultasyon agud maplantsa na kun sin-o ang pinal nga 12 ka mga pangalan nga magapadalagan sa konseho sa idalom sang iya grupo.
Suno sa alkalde, posible nga sa Oktubre 4 ukon 6 iga-file sang ila grupo ang Certificates of Candidacy (COC) sa Commission on Elections.
Ginkumpirma man sang alkalde nga magapa-reelect siya sa idalom gihapon sang National Unity Party (NUP) kaupod si Iloilo City Lone District Representive Julienne ‘Jamjam’ Baronda kag Vice Mayor Jeffrey Ganzon.
Wala pa man sang napahayag si Treñas kaangot sa ila iga-endorso nga mga kandidato sa national nga lebel.
Sa inisyal nga impormasyon sang Bombo Radyo Iloilo, yari ang mga pangalan sang incumbent city councilors nga naga-guwa nga nadala na sa listahan nga upod ni Treñas:
Councilors
- Atty. Romel Duron
- Rudolph Ganzon
- Ely Estante
- Alan Zaldivar
- Atty. Frances Grace Parcon-Torres kag
- Carlos Javellana
Yari naman ang ginapahayag maga-upod man sa slate ni Treñas kag magapadalagan para sa una nga termino:
- Mr. Johny Young
- Atty. Rex Sarabia
- Veterans Village Punong Barangay John Eric David
- Atty. Sedfrey Cabaluna
- Dr. Nick Baronda; kag
- Miguel Treñas nga anak ni Mayor Treñas
