ILOILO CITY – Naghatag si Iloilo City Mayor Jerry Treñas sang iya ika-lima nga State of the City Address (SOCA).
Ini ang ginpatigayon sa atubang sang Iloilo City Hall.
Sa iya SOCA, ginpadayaw sang alkalde ang mga kadalag-an sa syudad.
“Together, we build a city that is not just content with its present state but is constantly striving for more – more opportunities, more growth, and more prosperity for all.”
Ini ang ginalakipan sang mga masunod:
-pagnubo sang poverty rate sa diin halin sang 8.4% sang 2021 nangin 6.8% na lang ini sang 2023;
-paghatag sang 18,868 ka mga business permits;
-pagkilala sa Iloilo City bilang Most Competitive Highly Urbanized City sa Visayas;
-padayon nga construction sang P1.2 billion nga Iloilo City Hospital kag sang Nutrition Center kag Mega Health Center;
-paghatag sang 2,000 ka mga scholarship program;
-paghatag sang balay sa 8,579 sa mga residente pinaagi sa relocation projects;
-pag-angkon sang masobra 500 ka mga eco-friendly jeepneys kag
-pagkilala sang United Nations Educational, Scientific and Cultural Organization (UNESCO) sa syudad bilang
Creative City of Gastronomy.
Sa iya closing statement, ginpasalamatan man sang alkalde ang tanan nga mga sektor nga nagbulig sa pagpasanyog sang syudad sang Iloilo.
“My beloved Ilonggos, I am forever grateful for the privilege you have given and will continue to give me to serve you both now and, in the days, to come. Salamat, salamat sa inyo sa pagsalig kag suporta sa karon kag sa palaabuton. Madamo pa kita sang dapat ubrahon; ang aton dugang nga mga handum para sa syudad, ululupod naton nga tumanon.”
(By: Bombo Chris Jan Lozada)
