ILOILO CITY- Ginahulat nalang sang Iloilo Provincial Government ang accreditation gikan sa Department of Health Central Office kag Research Institute for Tropical Medicine para sa molecular laboratory sa Iloilo Provincial Hospital sa Pototan, Iloilo.
Sa interview sang Bombo Radyo kay Iloilo Governor Arthur Defensor Jr., iya ginpahayag nga gina- consolidate na lang ang mga dokumento kag findings sa assessment sang Department of Health kag Research Institute for Tropical Medicine.
Suno kay Defensor, ang mga medical technologists kag mga personnel sa nasambit nga laboratoryo ang ginapaidalom pa sa training kag natalana nga matapos subong nga semana.
Sa tion nga mahatag na ang accreditation, target sang probinsya nga magpatigayon sang trial sang laboratory operations sa ulihi nga semana sang Nobyembre.
Ginabanta naman nga 500 ka mga specimen ang sarang nga maakomodar sang laboratoryo kada adlaw.
