Natigayon na nga mapaidalom sa trial ang 60,000 nga mga volunteers sa single-shot COVID-19 vaccine nga iya sang Johnson & Jonhson.
Suno kay Dr. Paul Stoffels, chief scientist officer sang Johnson & Jonhson, ginalauman sang kompaniya nga magguwa na ang resulta sang Phase III trial sa katapusan sang tuig ukon sa pag-umpisa sang tuig 2021.
Nahibaluan nga ang iban nga mga bakuna kaangay sang Moderna Inc., Pfizer Inc. kag AstraZeneca ang nagarequire sang duha ka shots.
Samtang gindayaw naman ni US President Donald Trump ang mga kompaniya sa paghimo sang bakuna nga may maayo nga resulta gani kinahanglan man nga maghulag sang madasig ang Food and Drug Administration.
