ILOILO CITY- Posible nga may ma-disqualify nga tribu nga nagapasakop sa Dinagyang 360 degrees.
Sa interview sang Bombo Radyo Iloilo kay Iloilo City Mayor Jerry Treñas, iya ginpahayag nga may nakit-an ang Artistic Committee sang Iloilo Festivals Foundation Inc. nga tribu nga mahina ang performance.
Nahibaluan nga santo sa kontrata nga ginpirmahan sang mga tribu, kinahanglan nga mameet sang mga tribu ang gina-require nga sahi sang level-up peformance bilang kondisyon sa nabaton nga dako nga subsidy.
Suno kay Treñas, magluwas sa sini nga concern, wala na sang iban nga problema ang syudad may kaangtanan sa Dinagyang Festival.
Dugang pa niya, may yara man siya sang constant communication sa presidente sang Iloilo Festivals Foundation Inc. nga si Atty. Jobert Peñaflorida kag iban nga miembro sang Board para sa mga posible polishing.
Padayon naman ang koordinasyon sang alkalde sa mga natungdan nga kumitiba para mahandaan ang ginalauman nga madamo nga bisita sa Dinagyang.
