Dakop sa ginpatigayon nga drug buy-bust operation sang Iloilo City Police Office (ICPO) ang isa ka runner sa Brgy. Loboc, Lapuz, Iloilo City.
Ang main subject amo si Vincent Ormigas, 29, single, tricycle driver, kag residente sang Brgy. San Lorenzo, Lapuz.
Sa interview sang Bombo Radyo kay Police Captain Ryan Christ Inot, Chief of City Drug Enforcement Unit, iya ginpahayag nga natigayon nga nadakpan ang suspect matapos na-monitor nga nagadul-ong ini sang illegal nga droga sa iya mga parokyano.
Suno kay Inot, ginagamit ni Ormigas ang iya tricyle sa pag-deliver sang droga sa area sang Lapuz.
Nakuhaan ang suspek sa ginabulubanta 60 gramos sang suspected shabu nga may standard drug price (SDP) nga nagalab-ot sa P408,000.00.
Nakumpiskar man sa iya ang iban nga drug paraphernalia kag buy-bust money nga P8,000.00.
Ang mga nakuha nga illegal nga druga igaturn-over sa PNP Iloilo City Forensic Unit, samtang ginkustodiya naman si Ormigas sang Iloilo City Police Station 8.
