ILOILO CITY-Kumpirmado nga isa ka drug surenderee sang Brgy. Tacas, Jaro, Iloilo City ang ginluthang patay sang riding-in-tandem sa Zone 4, Brgy. Ungka, Jaro, Iloilo City nga si Gerardo Mamarion.
Sa interview sang Bombo Radyo kay Punong Barangay Joseph Porral sang Brgy. Tacas, Jaro, Iloilo City, iya ginpahayag nga nalakip si Mamarion sa mga nagsungka nga mga durugista sa Jaro Police Station sang tinalikdan nga tuig.
Sunu sa Punong Barangay, madugay na nga wala nakapauli sa ila lugar si Mamarion matapos magpalagyo bangud sa ginakaulamiran nga krimen.
Dugang pa ni Porral, si Mamarion ang nalakip sa mga suspek sa pagpatay sa manugbaligya sang ice cream sa ila lugar sang tinalikdan nga mga tuig.