Patay ang isa ka 63-anyos nga tricycle driver matapos nga nagpundo ini sa kilid sang highway para mangihi apang gindalasa sang motorsiklo sa Bantay, Ilocos Sur.
Natabo ini sa national highway sa Barangay Puspus.
Sa imbestigasyon sang kapulisan, nagpundo ang biktima kag ginparada ang iya nga tricycle sa kilid sang highway para mangihi apang pagbalik na niya sa tricycle, didto na siya nabungguan sang motorsiklo nga may sakay nga duha ka tawo nga napilasan man.
Suno sa pulis, pareho nga wala sang suksok nga helmet ang ang mga sakay sang motorsiklo kag nakainom.
Natalana naman nga mag-istorya ang pamilya sang magtimbang nga kampo.
