JANIUAY ILOILO– Ginbawian sang kabuhi ang isa ka tricycle driver matapos ginluthang patay sa Barangay Bungol Janiuay Iloilo.
Ang biktima ang ginkilala nga si Aron Aurello, 35 anyos, kasado kag residente sang Barangay Gines sa nasambit nga banwa samtang pilason naman ang pasahero sini nga si Alyas Meljohn nga isa ka menor de edad.
Sa interview sang Bombo Radyo kay Police Staff Sergeant Jessie Caro, imbestigador sang Janiuay Municipal Police Station, iya ginpahayag nga sang nakaabot na sa nasambit nga barangay ang tricycle mabayad na kuntani sang iya pamasahe ang biktima nga si Alyas Meljohn , apang gulpi lang siya nakabati sang lupok sang armas.
Pahayag pa ni Caro, natalupangdan sang menor de edad nga may pilas ang iya kamot kag nakita niya nga natumba ang biktima nga si Aurello.
Madasig naman nga nakapalagyo ang suspek nga si Roland Cino samtang wala man sang may narekober ga armas kag empty shell sa lugar sa diin natabo ang krimen.
Dugang pa sang natungdan, santo sa panaysayon sang menor de edad nga biktima ginapatihan nga 9mm ang armas nga gingamit ni Cino sa pagpangluthang.
Nahibaluan nga nakaangkon sang pilas sa natuo nga kamot si alyas Meljohn sa diin naglapos gid diri ang bala, nga amo man ang nag-igo sa dughan ni Aurello ng gintunaan sang iya kamatayon.
