DUMANGAS, ILOILO – Mangin tuman ka pin-ot para sa mga tricycle driver kun umpisahan na ang pagpatuman sang mando sang Department of Interior and Local Government nga dumili-an ang tricycle nga makabyahe sa national road.
Sa interview sang Bombo Radyo kay Isaac Betita, 80 anyos kag tricycle driver sa Dumangas, Iloilo, iya ginpahayag nga ang normal nga kita niya sa isa ka adlaw ang nagalab-ot sa P300 tubtub P500.
Suno kay Betita, ang iya kabug-usan nga kita ang buhinan pa sang arkila sa tricycle kag pagbakal sang gasolina.
Sa kasubong niya nga may yara sang ginasagod nga duha ka Person’s With Disability, haluson nga maka-igo ang iya kita ilabi na kun dumili-an na ang pagbyahe sang tricycle sa national road.
Sa subong suno sa natungdan, iya na lang nga hingalitan ang pagbyahe samtang wala pa nag-umpisa ang pagpatuman sang nasambit nga mandu.
