ILOILO – Nagakadapat nga maathag ang tricycle route plan sang tricycle task force sang Local Government Unit agud nga mahibaluan kun sa diin lang mahimo nga makalabay ang mga nagabyahe nga tricycle.
Ini bangud sa pag-ban sang Department of the Interior and Local Government sa mga tricycle nga magbyahe sa mga national roads.
Sa interview sang Bombo Radyo kay Teodora Sumagaysay, direktor sang Department of the Interior and Local Government sa probinsya sang Iloilo, iya ginpahayag nga indi man pagdulaon ang operasyon sang mga tricycle kundi hatagan sang option ang mga driver kun sa diin lang nga dalan ang mahimo nila nga maagyan.
Suno kay Sumagaysay, ang tricycle route plan ang kinahanglan nga ipasa sa Department of the Interior and Local Government bangud ini ang isa sa mga ginapangayo sang ahensya nga i-comply sang local government unit magluwas sa pagtukod sang tricycle task force.
Dugang pa sang natungdan, ang local government unit ang ginahatagan sang 30 ka adlaw agud nga makahimo sang route plan nga may kaupod nga ordinansa agud nga ini ang ma implementar.
VC OF TEODORA SUMAGAYSAY
