Nanguna si Luka Doncic sa paglutos sang Dallas Mavericks sa Toronto Raptors, 125-118, nga amo na ang ikapito nga sunod-sunod nga kadalag-an sang Mavs subong nga season.
30 points, 13 rebounds, kag 11 assists ang nahimo ni Doncic nga amo man ang iya ikaduha nga sunod-sunod nga triple-double para sa team kag ika-79 naman sa iya bug-os nga karera. Nagabutang ini sa iya sa ika-pito sa all-time list sang NBA.
Nagdugang man si Kyrie Irving sang 29 points para sa Mavs samtang may 20 points si Klay Thompson kag 13 points si PJ Washington.
Pangaduha na subong ang Mavs sa Western Conference nga may 16-8 record sa 24 games.
Nagapanguna gihapon ang Oklahoma City Thunder nga may 18 ka daog kag lima ka kalutusan.
