ILOILO CITY – Nagahilibion samtang todo ang pagpanginwala sang subject sang buy bust operation nga nadakpan sa Villa Carolina Subdivision, Villa Arevalo, Iloilo City.
Sa interview sang Bombo Radyo kay Nilo Santander, 37, sang nasambit nga lugar, iya ginpahayag nga ginkakibot niya sang gindakop siya sang otoridad kag gin-akusaran nga nagagamit sang iligal nga droga.
Suno kay Santander, wala siya nagabaligya kag nagagamit sang droga bangud nga inom lang ang iya bisyo.
Indi naman siya suno kay Santander makasarang maghimo sang nasambit nga butang bangud isa lang siya ka trisikad driver.
Wala man siya sang mahimo suno sa natungdan kundi ang magpapreso na lang bangud wala siya sang ikasarang nga magkuha sang abogado.
Nahibalu-an nga nakuha kay Santander ang P1,100 nga buy bust money kag apat ka sachet sang ginapatihan shabu.
