Posible nga magtiliskog na lang tubtub mapatay ang Russian soldiers sa sulod sang ila nga metal tanks samtang labi pa nga nagatugnaw ang tyempo sa Ukraine.
Ini nga ‘metal tanks’ ang kabahin sang 64-kilometros nga kalabaon sang military convoy sang Russia nga nakit-an sa satellite images nga hana nga magsulod sa Kyiv apang nanotisyaran man nga masobra na sa isa ka semana nga wala nagahulag.
Mangin ang US Defense officials ang nagkumpirma nga nag-untat sa paghulag ang convoy. Pila sa ginatudlo rason amo ang kakulang sang pagkaon kag gatong ukon posible man nga may yara sang mechanical problems.
Ano man ini nga problema, ginapahayag nga dapat na ini nga solbaron bangud madasig man nga nagalala ang paglamig sang tyempo sa pungsod nga ila gina-invade.
Ang temperatura ang gina-forecast nga maganubo sa -10C sa masunod nga mga adlaw kag posible pa nga makadangat sa -20C nga amo ang lowest point.
Garantiya na nga may yara sang snow.
Ano naman ang labot sini sa convoy?
Suno kay Glen Grant, isa ka senior defence expert sa Baltic Security Foundation, mapilitan ang mga soldado nga mag-eskapo ukon magtal-as na lang kun padayon nga wala nagahulag ang ila nga convoy.
Ini bangud ang “metal tank” nga ila ginasakyan ang daw kaangay lang sa fridge kun wala ini nagaandar.
Suno pa sa eksperto, posible nga indi man maghulat lang ang Russian soldiers tubtub nga mabugtuan sila sang ginhawa.
Ginapanan-aw nga magapadulong ang mga ini sa kagulangan, kag sa ulihi, mag-sungka na lang.
Sa subong, 15 milyas pa ang kalayuon antes malab-ot sang una nga bahin sang convoy ang kapital nga syudad sang Kyiv. ##
