Wala ginadula sang Philippine Atmospheric, Geophysical and Astronomical Services Administration (PAGASA) ang posibilidad nga ang nagapasulod nga si Tropical Cyclone “Pulasan” kag Bagyo “Gener” ang magdugangan nga yara sa sulod sang Philippine Area of Responsibility (PAR) subong nga gab-i.
Ginalauman nga magasulod si Tropical Cyclone “Pulasan” sa Philippine Area of Responsibility subong nga gab-i ukon buwas nga adlaw sang kaagahon.
Suno sa PAGASA, pagahingadlan nga Bagyong “Helen” si Tropical Cyclone “Pulasan” sa tion nga makasulod na ini sa PAR.
Ginalauman naman nga maguwa ini sa PAR buwas nga adlaw sang hapon ukon sa kagab-ihon.
Ginpahayag man sang PAGASA, nga magaguwa naman sa PAR si Tropical Depression Gener subong nga gab-i ukon buwas sang kaagahon.
