Ginalauman ang kabaskugon ni Tropical Depression Julian ang maga-trigger sang pagtaas sang Tropical Cyclone Wind Signal (TCWS) No. 3.
Suno sa Philippine Atmospheric, Geophysical and Astronomical Services Administration (PAGASA), ang Tropical Depression Julian kag ang pinakamataas nga Wind Signal sini ang possible nga malab-ot sa Wind Signal No. 2 ukon 3.
Ang TWCS No. 1 ginalauman nga ipasaka sa ibabaw sang pila ka bahin sang Cagayan Valley subong nga Biyernes.
Samtang ang Cagayan mahimo makaeksperyensya sang kasarangan tubtob mabaskog nga pag-ulan sa masunod nga 24 oras bangud kay Julian.
Mabaskog tubtob gale-force nga pagbalod sang hangin ang ginalauman sa Sabado sa ibabaw sang Aurora kag naaminhan nga porsyon sang Quezon, ilabi na sa coastal kag upland areas nga expose sa hangin.
Ginalauman naman ang mabalod nga kondisyon sang dagat, kon sa diin, tubtob sa 3.0 metros ang posible ma-eksperyensyahan sa ibabaw sang seaboards sang Batanes kag Babuyan Islands kag eastern seaboard sang mainland Cagayan sa masunod nga 24 oras.
