UNGKA II,PAVIA ILOILO– Nakaangkon sang minor nga pilas sa lawas ang pito ka persona nga sakay sang isa ka truck nga natumba sa Ungka II Pavia Iloilo.
Ang driver sang truck ang ginkilala nga si Jerry Raquel, 55 anyos sang Igang, Pototan Iloilo.
Sa interview sang Bombo Radyo kay Antonio Guadania, traffic auxillary kag nakakita sang insidente, iya ginpahayag
halin sa Leganes ang truck kag pakadto kuntani sa banwa sang Oton sang ginsalakay sini ang stoplight sa lugar.
Pahayag pa ni Guadania nga imbes maderetso nagliko sa tuo ang nasambit nga truck sa diin natumba gid ini sa
tungaang intersection kag nagresulta sa temporaryo nga pagpugok sang trapiko.
Naglinapta naman suno sa iya ang dala nga relief sang truck kag ila nalang ini ginbululigan agud nga matipon kag mahimos lakip na ang pagpabangon sa nagtakilid nga truck.
