Naglalapta kag nagkalawasak ang mga sandiya sa tunga sang dalan matapos nga natumba ang truck nga nagakarga sini sa Brgy. Rizal-Tuguisan, Guimbal kahapon sang hapon.
Sa interview sang Bombo Radyo kay Police Liutenant Lario Esposo, hepe sang Guimbal Municipal Police Station, iya ginpahayag nga pakadto kuntani sa banwa sang Miagao ang truck nga may karga nga 1.3 tonelada sang sandiya sang hinali lang nga naglupok ang panguna nga goma sini sa wala nga bahin kag nadulaan sang control ang driver kag natumba ini.
Suno kay Esposo, bangud sa pagkatumba sang truck, nagkalaula ang karga sini nga sandiya kag nakaagum sang mga minor injuries ang mga pahinante sini nga tatlo ka bilog nga nagapungko sa likod.
Gilayon man nga gindapatan sang nagakaigo nga pagbulong ang mga nasamaran sang emergency responder sang amo nga banwa.
