ILOILO CITY- May pa-raffle nga pick-up truck, hunting license, kag pusil sa West Virginia sa Estados Unidos para maganyat ang mga residente nila nga mabakunahan kontra coronavirus disease (COVID-19.)
Matapos makarekord ang mataas nga numero sang nagapabakuna sa lugar, hinali lang ini nga nagnubo.
Agud mas maganahan sila nga magpabakuna, magapa-raffle kada semana tubtob sa Agosto 4.
May premyo man ang mga residente nga nabakunahan na sang una nga dose.
Suno kay Governor Jim Justice, duha ka pick-up trucks, 5 lifetime fishing kag hunting licenses, 10 hunting rifles, kag 25 weekend stays sa mga natural park sa lugar ang itanyag nga premyo.
May money pot man nga $1 milyon ukon kapin sa P50 million, kag para sa mga tawo nga may edad 12-25, full scholarship naman sa state university ang itanyag sa ila.
