Ginmando ni President Donald Trump ang pagbukas liwat sang Alcatraz, ang notoryus nga presuhan sa isa ka isla sa San Francisco Calfiornia.
Ang amo nga presohan ang sirado sa sulod na sang anom ka dekada.
Suno kay Trump, bangud sa nagalala nga mga krimen sa America, nagakadapat nga ibutang sa amo nga presohan ang mga kriminal.
Ang presohan nga kilala bangud imposible nga makapalagyo diri ang isa ka preso bangud sa mabaskog nga balod kag matugnaw nga tubig halin sa Pasipiko ang lugar kun sa diin ginhunong sadto ang pila ka pinaka-notoryus nga mga kriminal, lakip na ang gangster nga si Al Capone kag George “Machine Gun” Kelly.
Sa sulod sang 29 ka tuig nga bukas ini, may ginabanta 50 ka mga preso ang nagtuyo nga magpalagyo apang pareho nga nadakpan ang mga ini.
Ang Alcatraz Island isa na subong ka major tourist site nga ginadumala sang National Park Service kag gin-designar bilang National Historic Landmark.
