Ginpirmahan na ni US President Donald Trump ang exective order nga nagadumili sa mga transgender nga magpasakop sa mga sports ukon hinampang nga pang-babaye lang.
Bangud sini, ginpahayag ni Trump nga ang mga pang-babaye nga hampang ang para lang sa babaye kag indi mahimo intrahan sang mga lalaki nga nagpaidalom sa surgery agud mag-angkon sang kinatawo nga iya sang babaye.
Nasaad diri nga ginamanduan ang Department of Education nga ipahibalo sa mga eskwelahan nga ang pagpasugot sa mga transgender nga atleta nga mag-compete sa mga hinampang ang paglapas sa Title IX, ukon ang federal law nga nagadumili sa sex discrimination.
Sa idalom sini, ang mga eskwelahan naman nga naga-discriminate base sa sex ang indi mangin eligible para sa federal funding.
Ini nga tikang ang kaangot man sa deklarasyon ni Trump nga duha lang ka mga genders ang naga-exist sa Amerika.
