Nangin mainit ang pinakauna nga presidential debate sa tunga nanday Democratic Party candidate Vice President Kamala Harris kag Republican Party candidate former President Donald Trump.
Naglawig sang masobra isa ka oras kag tunga ang debata sang duha sa diin gin-umpisahan ini sa pagkamusta ni Harris kay Trump.
Sa debate, ginlaslasan ni Harris si Trump sa diin ginatawag niya ini nga convicted felon kag gintawag man sini nga kabutigan lang kag assassination attempt sa iya agud makuha ang simpatiya sang publiko.
Ginpakamalaot man ni Trump si Harris bangud sa iya Afghanistan kag immigration issues, sa diin ginpaanggid pa niya ini kay President Joe Biden.
Ginbulgar man sini nga sa idalom sang subong nga administrasyon, naglalas ang sitwasyon ang mga immigrants bangud nagakaon na lang ang mga ini sang ido kag kuring.
Sa pihak sini, ginakabig man ni Trump ang pag-atubangay nila ni Harris nga isa ka mayo nga kahigayunan, apang indi pa masigurado kun masugpunana pa ini.
“I think it was the best debate that I’ve ever personally that I’ve had.”
Ginakabig naman ni Harris nga underdog sa gihapon ini kay Trump.
“Guys, we’re still the underdogs in this race. It’s tight. We believe in who we are. We believe in the American people. This is a campaign about bringing folks together, knowing the vast majority of us have so much more in common than what separates us.”
Nahibaluan nga walo ka semana na lang kag patigayunon na ang presidential elections.
