Kumpyansa si former President Donald Trump nga makabalik siya sa White House.
Ginpahayag ini sang 78-anyos nga Republican presidential candidate matapos nagboto sa polling booth sa Florida, USA, Nobyembre 5.
“It won’t even be close,” suno kay Trump. “I feel very confident… I hear we’re doing very well everywhere.”
Ginpahayag man sini nga sa iya tatlo ka presidential campaigns, amo ini ang iya matawag nga “the best” nga kampanya.
“I ran a great campaign. I think it was maybe the best of the three. We did great in the first one. We did much better in the second one but something happened. I would say this is the best campaign we’ve run,” pahayag sini samtang kaupod ang iya asawa nga si Melania Trump.
Nagpahayag man ini sang disgusto sa kadugayon sang pag-tally sang resulta sang eleksyon.
Antes pa man ang pagbukas sang polls sa US subong nga adlaw, may yara na nga daan sang 80 million Americans nga una na nakaboto base sa data sang Election Lab sa University of Florida. Nalakip diri ang 45 million nga temprano nga nagboto sang personal, samtang ginabanta 38 million naman ang nagboto sang temprano paagi sa mail.
Magpadayon sa pagbantay sa US election updates sa Bombo Radyo Philippines nga dal-on sang masobra 150 ka Bombo International correspondents direkta halin sa nagkalain-lain nga states sa Estados Unidos sang Amerika.
