Nag-abot na si United States President-elect Donald Trump sa Washington D.C. apang may tambungan pa nga pila ka mga aktibidad kag selebrasyon antes ang inagurasyon kag ang pormal nga pagbalik sa pwesto.
Kaupod ni Trump ang iya asawa nga si Melania kag iban pa nga miyembro sang pamilya sang nag-abot sa kapital sang pungsod.
Kasunod sini, nagkadto sila sa pribado nga event lakip na ang fireworks show sa iya golf club sa Virginia nga guwa na sang Washington.
Una na nga ginpahayag ni Trump nga magapirma siya gilayon sang executive orders kun makapanumpa na bilang presidente, kag may pila siya nga pirmahan pagkatapos mismo sang iya nga inaugural address. Lakip sa promisa sang 78-anyos nga American leader sa una nga adlaw sang iya termino amo ang mass deportation program.
Antes ang inagurasyon sa iya, ginalauman nga magakadto man ang Republican sa Arlington National Cemetery kag maga-upod anay sa rally sang iya supporters sa Capital One Arena sa downtown Washington, DC. May yara man ini sang kadtuan nga dinner event kag ginalauman nga may iga-deliver nga address.
Una na sini ginpahayag nga halinon sa indoors ang seremonya bangud sang tuman ka nubo nga temperatura sa lugar subong.
