Nag-plead sang ‘not guilty’ si anay US President Donald Trump sa kaso nga ginpahayag gintuyo niya nga baliskaron ang resulta sang presidential elections sa Georgia sang 2020.
Indi man ini magpakita sa arraignment hearing nga gin-set sang Fulton County Superior Court Judge sa masunod nga semana.
Magluwas kay Trump, may 18 ka iban pa nga nakasuhan bangud sa gin-alegar scheme agud i-sabotahe ang eleksyon sa amo nga estado batok sa kasumpong ni Trump nga si United States President Joe Biden.
Pila sa mga akusado ang indi man magtambong sa arraigment.
Antes sini, matandaan nga nagsungka si Trump sa Fulton County Jail sa Georgia sang Agusto 24 apang napaguwa bangud sa pyansa nga 200,000 USD ukon P11.3-million.
Siya man ang labing-una nga former president sang Amerika nga may yara sang mug shot.
Magluwas diri nga kaso, na-indict man si Trump sa tatlo ka iban pa nga kaso lakip na ang paghatag sang hush-money payment sa adult-film star sang 2016 sa Manhattan; gin-alegar nga mishandling sang classified national defense documents; kag may isa pa ka federal investigation sa iya tuyo nga baliskaron ang resulta sang 2020 election sa amo nga pungsod.
