Nagbisita si President-elect Donald Trump sa White House sa una nga tion halin sang nagdaog ini sa November 5, 2024 presidential election batok kay Vice President Kamala Harris.
May motorcade nga ginpatigayon padulong sa White House kun sa diin nagahulat ang iya longtime political rival nga si outgoing President Joe Biden.
Ginpasulod ang media sa Oval Office sa sulod lamang sang isa ka minuto kun sa diin nabatian si Trump nga nagpahayag nga mabudlay ang pulitika.
Ginpasalamatan man sini ang Democrat sa matalunsay nga transition sang power kag nagkamustahanay ang duha samtang pareho nga nagayuhom.
Antes sini, makapila ka beses nga ginsiling sang 81-anyos nga si Biden nga isa ka pamahog sa demokrasya si Trump samtang nagsiling naman ang 78-anyos nga Republican nga incompetent ang Democrat president.
“It was a substantive meeting,” suno kay White House spokesperson Karine Jean-Pierre. “They discussed important national security and domestic policy issues facing the nation and the world.”#
