Ginbawi ni United States President Donald Trump ang pahayag sini nga hatagan niya sang 50 ka adlaw ang Russia agud nga tapuson na ang giyera sa Ukraine.
Sa latest statement sang American president, 10 tubtub 12 ka adlaw na lang ang ginhatag sini kay Russian President Vladimir Putin. Ginalauman nga magahatag siya sang dugang nga detalye kaangot diri subong nga adlaw.
Duha ka semana na ang nagligad, matandaan nga nagpaandam si Trump sang tuman ka lala nga taripa sa mga trading partners sang Moscow kun wala sang matabo nga deal sa Russia-Ukraine war sa sulod sang una nga ginhatag sini nga plaso.
Apang sa iya pinakaulihi nga pahayag halin sa Scotland, na-mensyonar sini nga wala na sang rason nga maghulat pa, kag mahimo na siya makapatuman sang sanctions kag secondary tariffs.
“No reason in waiting,” pahayag sini sa iya ginpanubo nga timeline. “We just don’t see any progress being made… Too many people are dying.”
Nagdugang man ini nga wala na siya sang gana nga makig-istorya kay Putin: “I’m not so interested in talking anymore.”
Sa inisyal nga statement sang Ukraine paagi kay Andrii Yermak, ang head sang presidential office sang Kyiv, nagpasalamat ini nga ginpanubo sang president ang deadline.#
