Naghatag si United States President Donald Trump sang plaso nga tatlo tubtub apat ka adlaw agud nga makasabat ang Hamas sa iya ginaduso nga peace plan sa Gaza.
Suno kay Trump, manabat sa impyerno ang militante nga grupo kun ibasura nila ang amo nga proposal.
Ginpahayag ini sang presidente samtang nagapadayon ang opensiba sang Israel sa amo nga teritoryo sa Palestine.
Matandaan nga gin-anunsyo ni Trump ang iya nga proposal sa press conference sa Washington kun sa diin kaupod sini si Israeli prime minister, Benjamin Netanyahu.
Apang kahapon lamang, 31 Palestinians ang ginpatay sa atake sang Israel sa Gaza.
Ini nga gyera ang nagalawig na sang halos duha ka tuig.
