Nagpabutyag liwat sang pagkadismaya si US President Donald Trump bangud wala siya nahatagan sang Nobel Peace Prize.
Sa iya campaign rally sa Syracuse, New York, ginpakamalaut ni Trump ang desisyon sang Nobel Committee nga gina-host sang Norway matapos nga ginpasidunggan sini ang South African human rights champion nga si Navi Pillay.
Si Pillay isa ka anay hukom sang International Criminal Court (ICC) nga amo ang nagdumala sang isa ka report sang United Nations kun sa diin natukiban nga nagkomiter sang genocide ang Israel sa Gaza.
Gintawag ni Trump si Pillay nga isa ka misteryoso nga persona kag nagsiling nga indi niya ini kilala.
“I never heard of this particular person, but congratulations anyway,” suno sa iya.
Kada tuig, sa iya pagbalik sa White House halin sang Enero 2025, nagapahayag sang pagkadismaya si Trump nga wala nagkadto sa iya ang amo nga prestihiyoso nga pasidungog.
“This is an indelible stain on the country of Norway and those people that made such a disgraceful and embarrassing decision,” suno sa US leader.
Ginpanglawag man ni Trump ang pila ka mga inaway nga suno sa iya, may papel siya sa pagresolba. Lakip diri suno sa iya ang tensyon sa tunga sang North kag South Korea, Japan kag North Korea, kag China kag Taiwan, apang wala siya naghatag sang ebidensya sa iya mga pahayag.
“The Nobel Peace Prize has been forever discredited by a handful of radical ideologues who are anti-democracy and really enemies of civilization. And we will not forget, Norway,” dugang ni Trump.#
