Ginaplano sang Iloilo City Traffic Transportation and Management Office (TTMO) nga magdugang sang concrete barriers sa Brgy. Tagbak, Jaro, Iloilo City apisar sang makapila na ka beses nga ma-arado sang salakyan.
Sa interview sang Bombo Radyo kay Ret. Police Colonel Uldarico Garbanzos, ang head sang Iloilo City Traffic Transportation and Management Office, iya ginpahayag nga indi lamang sa nasambit nga lugar nakahamtang ang concrete barriers bangud may yara man sa mga ‘strategic areas’ sa syudad.
Suno kay Garbanzos, tuyo lamang sang amo nga barriers ang ma-manage ang traffic sa isa ka lugar.
Dugang sini nga mismo ang mga driver ang may kabangdanan kon ngaa nagakadisgrasya sila amo nga lugar bangud man sa wala nagalantaw sa mga signages.
Nagpanugyan man ini sa mga motorista nga himuon ang ‘defensive driving’ agud nga indi masulit ang pag-arado sang mga concrete barriers.
Nahibaluan nga tatlo tubtob apat na ka beses nga madalasa ang mga concrete barriers kag ginareklamo sang pila ka mga motorista nga madulom ang lugar.
