Ginalantaw sang Iloilo City Traffic Transportation and Management Office (TTMO) nga nagkulang ang mga shipping lines sa Lapuz Wharf sa pag-manage sang ila online reservations, rason nga nagdagsa ang salakyan sa tion sang Huwebes Santo.
Sa interview sang Bombo Radyo kay Ret. Police Colonel Uldarico Garbanzos, iya ginpahayag nga ginalauman nga mas magadamo pa gid ang salakyan nga magapadulong sa Guimaras subong nga Semana Santa.
Suno kay Garbanzos, kontani gintun-an man sang mga shipping lines ang pag-dispatch sang RORO vessels agud nga madasig nga maakomodar tanan nga salakyan.
Gintuad man sini nga madasig ang nangin ‘turnaround’ sang mga vessels subong nga Semana Santa bangud man sa volume sang mga salakyan.
Nahibaluan nga kadungan sang Huwebes Santo, napuno sang salakyan ang Lapuz Wharf bangud sa madamo nagapadulong sa Guimaras.
