Nagpaandam ang Iloilo City Traffic and Transportation Management Office (TTMO) sa mga motorista nga wala sa gihapon nakabayad ukon naka-settle sang ila nga mga violation nga mahimo sila pasakaan sang kaso.
Sa interview sang Bombo Radyo kay Retired Police Colonel Uldarico Garbanzos, head sang Iloilo City Traffic and Transportation Management Office, iya ginpahayag nga madamo sa mga motorista ang nagapabilin nga wala nagahatag sang importansya sa pag-ticket sang mga traffic enforcers sa ila nga traffic violation.
Suno kay Garbanzos, ang data sang talatapan ang nagapakita nga tuman ka damo ang nagapabuyan-buyan rason man nga nagpangayo sila sang omnibus authority sa city government agud nga makapasaka sang kaso.
Gin-athag man sini nga obligasyon kontani sang mga motorista nga atubangon kag i-settle ang ila nga bayolasyon.
Ginpunto man sang natungdan nga nagsugod na ang talatapan sang pagpasaka sang kaso sa mga traffic violators sang nagligad nga semana.
