Nagpangayo sang pasaylo sa motorista ang Iloilo City Traffic and Transportation Management Office (TTMO) sa natuga nga pagpugok sang trapiko sa pila ka dalan sa syudad bangud sa road closure.
Ini kasunod man sang preparasyon sang Team USWAG ni Iloilo City Mayor Jerry Treรฑas para sa ila kick-off rally.
Sa interview sang Bombo Radyo kay Ret. Police Colonel Uldarico Garbanzos, iya ginpahayag nga ang pagpugok sang trapiko ang temporaryo lamang kag masami man nagakatabo kon ginasirado ang Iloilo Freedom Grandstand.
Suno kay Garbanzos, santo sa ila assessment, naghinay ang trapiko halin sa JM Basa Street padulong sa Iznart Street bangud man sa indi sila makaagi sa Mulley Loney Street.
Ginpahayag man sini nga may ingress of materials sang USWAG para sa ila Kick-off rally nga isa man sa nagtuga sang mahinay nga dalagan sang traffic.
Gintumod man sang natungdan nga ang pag-reroute sa mga truck nga naghalin sa port kag wharf ang nagtuga man sang papugok sang trapiko.
Nahibaluan nga lakip sa ginsirado amo ang poryson halin sa Quirino Bridge tubtob sa Freedom Grandstand.
