Nagwangal si Vice President Sara Duterte sa ginaalegar nga pagbasol sa iya amay nga si anay Presidente Rodrigo Duterte sa pagbaha sa Metro Manila.
Suno kay Vice President Duterte, ini isa ka “political scapegoating” ukon paglikaw sa responsibilidad sang administrasyon ni President Ferdinand Marcos Jr.
Suno sa iya, sa baylo nga basulon ang nagligad nga administrasyon, dapat mangita sang solusyon ang gobyerno.
Bilang sabat naman sa suhestiyon ni Marcos na kolektahon ang tubig-baha para sa irigasyon, sarkastiko nga ginsiling ni Duterte nga dapat ini nga tipunon kag dal-on sa Malacañang.
“Ipunin po nating lahat tapos i-deliver natin sa Malacañang para may mainom siya, para meron silang mainom doon. Ganoon na po ang gagawin natin,” suno kay VP Sara.
