ILOILO CITY — Wala sang kasiguraduhan kun madayon nga mahatag ang gin-procure nga tubig sang syudad sa Mayo 10 para sa mga pumuluyo sa Iloilo City kasunod sang water shortage.
Sa interview sang Bombo Radyo kay Engr. Niel Ravena, pinuno sang General Services (GSO), iya ginpahayag nga
ginahulat pa nga makompleto ang dokumento sang compliance kag notice to proceed agud makasugod makapanghatag ang mga water dstributors.
Suno kay Ravena, kun madayon, target nga makadeliver sang kapin 600,000 liters per day, apang nakadependi man kun maubos gilayon sang mga residente ang nauna nga tubig.
Ginpahayag man sang natungdan nga anom ka mga water tanker sang South Balibago Water Works ang possible nga gamiton sa mga malapad nga area.
Samtang gamiton naman ang gagmay nga water tanker sang Metro Pacific Iloilo Water sa mga makitid nga barangay sang syudad kaangay na lamang sang Calumpang, Calaparan, San Juan, kag Booulevard, Iloilo City Proper.
