Nagsaka na sa 6.2 ka metros ang tubig sa suba sang Jalaur sa Pototan Iloilo.
Ini ang kasunod sang pagbubo sang ulan bangud sa malain nga panahon.
Sa exclusive interview sang Bombo Radyo kay Josephine Ilaguison, Plant Manager sang Flo Water Resources Iloilo Incorporated, iya ginpahayag nga kada 30 ka minutos nagamonitor sila sa kataason sang tubig.
Suno sa natungdan, nag-umpisa sang alas 8 sang aga ang pagtaas sang tubig sa 3.8 ka metros kag nagsaka sa 6 tubtob 6.2 ka metros sang alas 1 sang hapon.
Sa 6.2 ka metros nga kataason sang tubig, nagalapit na ini sa pangpang.
Dugang pa niya, ang normal nga kataason sang tubig sa suba ang nagalab-ot lang sa 1.5 tubtob 2 ka metros.
