ILOILO CITY- Kalipay ang nabatyagan sang isa ka Pinay health worker sa Estados Unidos matapos nakabaton sang una nga shot sang COVID-19 vaccine sang Moderna.
Suno kay Bombo International Correspondent Myrna Tacapan Urbasik, Occupational Therapist sa isa ka Skilled Nursing Home sa New York City kag tumandok sang Tubungan, Iloilo wala gid ini nagbatyag sang kakulba sang ginpatigayon na ang pagbakuna.
Ginpahayag niya nga mapalad siya bangud ginhatagan sang prayoridad ang mga health workers sa vaccination sa Estados Unidos.
Natalana naman nga tublukan si Tacapan sang ikaduha nga shot sang bakuna sa Enero 12.
Si Tacapan ang 20 ka tuig sa Estados Unidos sa diin 13 ka tuig diri ang iya ginbubu sa pagtrabaho bilang occupational therapist sa New York.
