Tuman nga init sang panahon ginalantaw nga rason sang pagmasakit sang kapin 400 ka atleta sang Negros sa WVRAA Meet

ILOILO CITY – Naglab-ot na sa 368 ka mga atleta sang Negros Occidental ang ginhatagan sang atensyon medikal sa nagapadayon nga Western Visayas Regional Athletic Association (WVRAA) Meet 2018 nga ginapatigayon sa siyudad sang Iloilo.
Sa interview sang Bombo Radyo Iloilo, ginpahayag ni Aline Vieja, physical therapist sang Negros delegation, kalabanan sa ila atleta ang nakabatyag sang hilanat, hyperacidity samtang ang ila softball boys elementary ang gin-LBM.
Ang tuman kainit nga tiyempo sa Iloilo ang ginalantaw ni Vieja nga rason sang pagbatyag sang ila mga atleta.
Apang manageable suno sa physical therapist ang ginabatyag sang mga athletes kag ginapahanugutan man ang mga ini nga maghampang kun may clearance sa mga doktor.