Gin-athag sang Korte Suprema nga ang tuman nga pagdisiplina sa mga bata ang makabig nga child abuse.
Sa interview sang Bombo Radyo kay Atty. Chelna Ann Deblois, Bombo Abogado, iya ginpahayag nga makabig lamang nga child abuse ang tuman nga pagdisiplina sa bata kon may maathag ini nga tinutuyo nga gub-on ang dignidad sang menor-de-edad.
Suno kay Deblois, mahimo nga malapas sang indibidwal ang RA No. 7610 ukon ang Special Protection of Children Against Abuse, Exploitation and Discrimination Act kon na-ekspersyahan sang bata ang tuman nga pagpanakit sa iya.
Sa idalom sang Section 3(b) ng RA No. 7610, ang ano man nga akto nga nagapakanubo sa dignidad sang isa ka bata ang makabig nga child abuse.
Gin-athag man sini nga may kinamatarong ang ginikanan nga disiplinahon ang ila mga kabataan apang indi dapat sobra-sobra sa nahimo nga sala sang bata.
