Subong nga summer, tuman ang ma eksperyensyahan nga init sa palibot.
Nahibaluan mo bala nga mahimo man maangkon ang nagkalain-lain nga balatian sa mata bangud sa tuman nga init?
Suno sa mga health experts nga sanday Dr. Sharlene Nogueraisa ka ophthalmologist kag cornea specialist kag si Dr. Patricia Grulla-Quilendrino isa ka retina specialist, delikado ang ultraviolet (UV) rays sang adlaw sa mga mata sang tawo sa diin mahimo ini nga maguba.
Paathag pa sang mga eksperto, may yara sang tatlo ka mga kategorya ang UV rays: ini amo ang UV-A, UV-B kag UV-C.
Ang UV-C ang pinakamalala nga sahi sang UV radiation.
Ang UV-A kag UV-B naman ang masami nga nagalapaw sa ozone layer kag nagaguba sa mata.
Ang epekto sang madugay nga pagbabad sa UV-B sang mata amo ang pag-angkon sang sakit nga pterygium kag pagkasunog sang cornea sang mata.
Samtang ang UV-A naman amo ang pagsulod sang radiation sa mata nga nagalab-ot sa lente kag retina rason nga nagakaguba ang mga mata sang tawo.
Panugyan sang mga eksperto, maggamit sang shades nga kontra sa UV rays kag pilion ang shades nga may proteksyon sa UV-A kag UV-B radiation.
Mahimo man nga maggamit sang polarized glasses.
